منطقة الوسط والحزام

لازم تلاقي عندي دخانيق وجرابات والجربنديات وجيوب وعلاقات ومستلزمات… الحزام لازم يبقى عامل زي الحزام الناسف او تابلوه التاكسي كده… اللي هاقوله مجرّد سرد بيعكس مراحل وتاريخ وتطور، لكن كمان منطق عندي اسمه “تحسُبا لا تحتاج لبن العصفور” بداية من النضارة اللي في الحزام، لا وقبلها بمحاولة تقليد للجراب وانا في ابتدائي، والـ Walkman، مروراً بالعدد والمفكات الصغيرة وأسلحة الـ […] Read more

فطير

من يومين ماريان بتقولي ممكن تعمل smile مع ليلى؟! قولت لها طبعا دي ساهلة اهو! ورحت مبتسم… ردت بقفش slime مش smile… المهم طلع عجين وعك، ليلى اول ما عرفت ان أنا هاشارك علّت سقف الزروطة… پاپي عايزة لونها pink، في ايدي مشروب غازي حطت شوية منه وبقيت pink واي حاجة تقابلك بقى، كان ناقص نحط فردة شراب! إمبارح ليلى […] Read more

مُذكرات وچينات تلميذ فاشل

في مراحل التعليم الأساسي كان بيتكرر معايا موقف شديد السخافة… كنت اصحى الصبح أدور على شنطة المدرسة يا محترم مالاقيهاش، وافضل أدور لحد اخر لحظة وفي الآخر اكتشف اني نسيتها في الباص من اليوم اللي قابله، وطبعا اي واحد قوي الملاحظة هايفهم اني ماحتجتش الشنطة نهائي في البيت وإلا كنت اكتشفت… وطبعا في ساعات كنت بلاقيها في الحوش وساعات مابلاقيهاش […] Read more

طريقة حل المشكلة هي اللي عملت لي المشكلة

أنا بكره الأرقام، ولو بانقل رقم قدام عيني ٩٠٪ هانقله غلط، ولما بقراءه بلخبط ترتيب الأرقام فبيطلع هبل ولو بحسب بالآلة الحاسبة نفس الحسبة خمس مرات هاطلع خمس إجابات مختلفة، أكيد فيا مشكلة لكن أبويا ماقعدش معايا يحلها، بالعكس في ابتدائي كل ليلة عندي فيها مسألة long division كان بيبقى يوم نكد، وكان بيسيبني قدام المسألة طول الليلة وفي الآخر […] Read more

القافية في دمه

الواد ابني القافية في دمه برضه، المهم القافية جابت معاه كلمة مش تمام (هي مش مش تمام قوي، بس مابنستعملهاش) ولسانه سبق مخه، فبصيت وقلت له نعم؟! قالي لا أنا مش قاصدي كده! فاكرني متربي في اوضة الصالون بروح خالته! Read more

نفسي في طفولتي تاني

نفسي في نظرتي لأبويا أول ما بيبان وسط الناس وهو جاي ياخدني من المدرسة… بس لو مافيش مدرسين على مرمى البصر. ومانفسيش في اليوم اللي مدرس العربي قال لبويا ابنك ميال للإنحراف لما لقاني كاسر القلم الفرنساوي وعامله سجارة في الفصل. نفسي في يوم من اللي كنت بأروح مع أمي العيادة أطلع عين المُمرض، بس كمان نفسي في قعدة البلكونة بعد […] Read more

ذكريات طفل اصبح أب

ذكريات طفل اصبح أب زمان لما كنت صغير.. يعني زمان قوي، كنت بعشق العربيات، واتعلمت السواقة بمجرد الفرجة على أبويا وأول مرة أسوق كنت في ساتة ابتدائي وكنت لوحدي.. وقبل ما أسوق كنت بعمل عربية في البيت، وساعات أوتوبيس، كان عندي ديريكسيون عربية حقيقي وفكيت سرير أختي الصغيرة علشان أخد منه عمود اعمله فيتيس واشتريت اليد بتاعت الفتيس او بمعنى […] Read more

لمحة بسيطة عن شخص عملاق

عاش طفولة موجعة، فقد أمه في الثانية والنصف من عمره بلا ذكريات، حتى شكلها لم يعرفه الا من خلال صورٍ قليلة هنا او هناك.. نعم لم تحن عليه الحياة كثيراً، بل توالت ضرباتها، لكنه لم يعش حياة الشفقة او الانهزام ولا الانكسار، تغرب سنين الجامعة وحيداً لكنه كان من أوائل الاف دفعته دائماً، كما انه استمر في معاونة والده في […] Read more

بلاش يصعب عليك اهلك

فريد أبني في معسكر ستة أيام، آخرهم غداً.. وحشني.. المهم، أتصل بي مرتين خلال المدة، المكالمة الثانية كانت أول أمس، بدأها ب “إزك يا معلم” ومن صدمتي جاوبت سائلاً “مين معايا؟؟” وفقدت تركيزي في باقي المكالمة مُشتتاً في البعد العميق لنفس السؤال “هو مين ده بجد؟!.. المهم المكالمة الأولى كانت في يومه الثاني، وبعد السلام السريع سأل قائلاً: “بابا ممكن […] Read more

ًحدث قديما

في قديم الزمان ايام الجامعة لما كان الواحد سنه ١٩-٢٠ سنة، وفي مساء يوم كنت أقود السيارة وبصحبتي صديق العمر المهاجر.. طبعاً ماكنّاش بنمشي جانب الحيط، غالبا كنا بنمشي على الحيط.. المهم أثناء السير وفي احد الشوارع المظلمة فجأة قفزت دراجة بخارية لأحد المطاعم بلا انوار الى بحر الطريق في عكس الاتجاه.. كبحت الفرامل لآخرها ولكنه كان اقرب من ان […] Read more