إنده على الحياة

إنده على الحياة، صحي لياليها
أفرح أملاها حب، بدّل اساميها
صبّح على حلمك، حقق أمانيها
افتح عنيك بص، حواليك هاتلاقيها

خٓوّف خوفك، د أمل بكره ماليها
أدفن موتك وعلي صوتك وناديها
انفض همومك، زيح غيومك وعدّيها
الماضي عتبة كل ما تعلى أعلى فوقيها

افرد جناحاتك فوق الصعب علّيها
سافر مكانك، علّي آمالك وفُوت فيها
هاجر عاداتك وأكره ظنونك وعَاديها
خاصم الكسل والنوم ف العسل.. صحيها

افتح شبابيكك ودندن لحن نور أغانيها.. وغنيها
امسك نجوم ليلها والصبح دُق شماسيها
أقطع واوصل، قصقص ولزّق، لون وأرسم.. العب بيها
دي طاقة أمل وطاقة عمل مزروعة فيك.. مافيش زيّيها

الصورة — صورتها وأنا موصّل نفسي للمستشفى بعد إصابة الركبة السعيدة ?